Prof. Dr. HENG Kreng

សាស្ត្រាចារ្យបណ្ឌិត ហេង គ្រេង បានទទួលការអប់រំទាំងក្នុងប្រទេសកម្ពុជា និងក្រៅប្រទេស។ លោកបានទទួលបរិញ្ញាបត្រផ្នែកការបង្រៀនភាសាអង់គ្លេស និងគណនេយ្យនៅក្នុងប្រទេសកម្ពុជា មុនពេលទទួលបានសញ្ញាប័ត្របរិញ្ញាបត្រជាន់ខ្ពស់ និងបណ្ឌិតផ្នែកអប់រំ ជំនាញការវាយតម្លៃការសិក្សារបស់សិស្ស ពីសាកលវិទ្យាល័យហ៊ីរ៉ូស៊ីម៉ា ប្រទេសជប៉ុន។ ចាប់តាំងពីបញ្ចប់ការសិក្សានៅឆ្នាំ២០១៤ លោកបានធ្វើការជាគ្រូបង្រៀននៅសាកលវិទ្យាល័យ សាស្ត្រាចារ្យដឹកនាំ អ្នកស្រាវជ្រាវ និងទីប្រឹក្សាអប់រំ និងគោលនយោបាយសង្គម។ បទពិសោធន៍លើផ្នែកសិក្សា និងជាទីប្រឹក្សារបស់លោករួមមាន ការវាយតម្លៃការសិក្សារបស់សិស្ស ប្រសិទ្ធភាពសាលារៀន ការអភិវឌ្ឍកម្មវិធីសិក្សា ការវាយតម្លៃគោលនយោបាយអប់រំ គោលនយោបាយសង្គម ការអភិវឌ្ឍជំនាញ និងកម្មវិធីសម្រាប់ការវាយតម្លៃការសិក្សាសិស្សអន្តរជាតិសម្រាប់ការអភិវឌ្ឍ (PISA-D)។ លោកបានសរសេររបាយការណ៍ស្រាវជ្រាវជាច្រើន រួមទាំងរបាយការណ៍វាយតម្លៃជាន់ខ្ពស់សម្រាប់ OECD និងយូនីសេហ្វ និងការបោះពុម្ពផ្សាយអត្ថបទផ្សេងទៀតនៅក្នុងទស្សនាវដ្តីស្រាវជ្រាវអន្តរជាតិ។ លោកបានបម្រើការជាប្រធាននាយកដ្ឋានស្រាវជ្រាវវិទ្យាសាស្ត្រ នៃក្រសួងអប់រំ យុវជន និងកីឡា ហើយបច្ចុប្បន្នជាអគ្គលេខាធិការរង នៃក្រសួងអប់រំ យុវជន និងកីឡា។ ចំណាប់អារម្មណ៍ក្នុងការស្រាវជ្រាវរបស់លោកមានដូចជា ការវាយតម្លៃការសិក្សារបស់សិស្ស ប្រសិទ្ធភាពរបស់សាលារៀន ការអប់រំស្ទែម (STEM) និងការស្រាវជ្រាវ និងអភិវឌ្ឍការអប់រំ (R&D) នៅក្នុងឧត្តមសិក្សា។